Føroyingar hava álit á Kringvarpi Føroya

Um KVFTíðindi
Føroyingar hava álit á Kringvarpi Føroya
Nýggj kanning vísir, at 77 prosent av øllum føroyingum hava álit á Kringvarpinum
 

Nýggj stór miðlakanning hjá Fróðskaparsetrinum vísir, at føroyingar hava álit á upplýsingunum, sum koma frá KvF. Hetta eiga vit at fegnast um, tí álit styrkir savningarmegina í føroyska samfelagnum, heldur kringvarpsstjórin.

KvF hoyrist og sæst av øllum føroyingum. Tí er tað umráðandi fyri stovnin, at føroyingar hava álit á upplýsingunum, sum koma frá KvF. Nýggja kanningin vísir, at 77 prosent av øllum føroyingum hava antin stórt ella nokk so stórt álit á KvF.

“Tølini eru jalig, tí óheftir miðlar eru ein hornasteinur undir fólkaræðinum. Álit á miðlunum stimbrar bæði fólkaræðisliga orðaskiftið og savningarmegina í føroyska samfelagnum”, sigur kringvarpsstjórin, Ivan Hentze Niclasen.

Stórt álit á public service-stovnum

Tað er Heini í Skorini, Ph.D. og adjunktur á Søgu- og Samfelagsdeildini á Fróðskaparsetrinum, sum hevur staðið fyri kanningini saman við greiningarfyritøkuni Lóður. Hann vísir á, at álitið á KvF tykist vera líka stórt sum álitið á public service-stovnum í okkara grannalondum, og at álitið á almennum kringvørpum í miðal er størri enn álitið á privatum miðlum. Hinvegin vantar okkum skipaða gransking um miðlaálit og miðlaatferð í Føroyum, og tí hava vit brúk fyri fleiri kanningum.

“Tað er eisini áhugavert at síggja, at álit og miðlanýtsla ikki altíð fylgjast at. Summi, sum siga seg hava lítið álit á KvF, brúka kortini KvF dagliga”, sigur Heini í Skorini.

Lítið álit á sosialum miðlum

Hinvegin er lítið álit á sosialum miðlum, hóast Facebook er toppskjútti, tá spurt verður, hvønn miðil fólk oftast brúka. Altjóða miðlakanningar vísa eisini, at eitt vaksandi tal av fólki nýtir sosialar miðlar sum sín fremsta tíðindabera. Føroyingar eru sera virknir á eitt nú Facebook. Sambært kanningini hjá Fróðskaparsetrinum hava føroyingar tó als ikki álit á upplýsingum, sum koma frá Facebook. “Facebook kann hava sínar fyrimunir, men fólk duga væl at skilja ímillum upplýsingar í óheftum professionellum miðlum og upplýsingar á sosialu miðlapallunum hjá altjóða tøknirisum, og tað er gott fyri fólkaræðið”, heldur Ivan Hentze Niclasen.

 

Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968

Um kvf css