Hetta eru vit

Bygnaður

Kringvarp Føroya er sjálvstøðugur, almennur miðlastovnur, sum verður stjórnaður av einum stýri. Vit hava umleið 80 fólk í føstum starvi býtt á fýra deildum:

•           Aktuelt, sum veitir tíðindi og aktualitetssendingar til útvarp, sjónvarp og web

•           Fyrisitingin, ið tekur sær av fíggjarstýring, bókhaldi, spølum, søvnum og øllum starvsfólkaviðurskiftum

•           Tøkni, ið umsitur sendiútgerð, studiosendingar, ritstjórning av sendingum og KT-viðurskifti

•           Mentan, sum ger dokumentarsendingar, tilfar til børn, um tónleik og til tað átrúnaðarliga økið, skrá til sjónvarpið og teksting.

bygnadur.png

Vilt tú hava samband við eitt av okkara starvsfólkum? Finn starvsfólkayvirlitið her. 

Leiðslan 

Ivan Hentze Niclasen er stjóri í Kringvarpi Føroya og byrjaði í starvinum 29. oktober 2018. Kringvarpsstjórin er áramálssettur í 5 ár, men í august 2023 gjørdi kringvarpsstýrið av at leingja setanina hjá Ivani Hentze Niclasen við teimum árum. Við áramálssettum stjórum hjá tí almenna er møguligt at leingja sáttmálan eina ferð.

Vilt tú meira um leiðsluna í Kringvarpinum, kanst tú vitja hesa síðuna. 

Kringvarpsstýrið

Til tess at tryggja meginregluna um armslongd vísir kringvarpsstjórin til eitt stýri, sum landsstýrismaðurin í mentamálum velur, at hava yvirskipaðu leiðsluna av KVF. Stýrið verður valt fyri fýra ár í senn. Her finnur tú meiri kunning og yvirlit yvir, hvør situr í núverandi stýrinum.