Við Tórði á túri

Einbúgvin av Viðareiði (1:2)
05-06-2023
86 ára gamli Mikkjal Sørensen av Viðareiði hevur í samfull 56 ár búð einsamallur í oynni Kingitoq í Suðurgrønlandi. Vit vitja Mikkjal, sum framvegis rør út og hevur seyð

Mikkjal Lodmund Sørensen, sum hansara fulla navn er, fór til Grønlands á vári í 1963 at rógva út, og hann hevur ongantíð verið aftur í Føroyum. Sjálvt um hann er einabarn og pápin doyði av vanlukku, meðan Mikkjal var stórur smádrongur, og mamman livdi einsamøll á Viðareiði til ellisár.


Mikkjal býr mitt í náttúruni í Suðurgrønlandi og hann er ein gløggur eygleiðari. Hann hevur øll hesi árini verið útróðrarmaður og havt seyð, og hóast meginparturin av seyðinum nú er tikin av, ganga nakrir eftir. Hann tímir illa at tosa um seg sjálvan, men tosar hugaliga um tær stóru linjurnar í náttúruni, m.a. veðurlagsbroytingina, sum hann sjálvur hevur upplivað og hugagóður greiðir frá. 

 

Mikkjal hevur sína egnu havn frá náttúrunnar hond. Uttast á lítla nesinum stendur tann føroyski báturin, eitt 10-mannafar, sum hann hevði við sær, tá hann kom yvir at rógva út í Eggersø suður móti Kapanum á vári í 1963. Hann brúkti eisini hendan bátin øll tey fyrstu mongu árini her, men tað sæst, at nú er langt síðani hann hevur verið flotaður. Nú hevur Mikkjal bátar úr plasti.

 

Øll tey mongu árini Mikkjal setti gørn, fekk hann dagliga kóp í gørnini. Og hann sigur sjálvur, at hann hevur etið hvønn tann einasta kóp hann hevur fingið, tí kópur er tann sunni maturin.

 

Fyri eini 15 árum síðani ætlaði Mikkjal at flyta av oynni. Men tað bleiv ikki til nakað, tí hetta var ov gott at fara frá. Hann hevur hvørki telefon ella teldu, men lurtar nógv eftir útvarpi. Og er okkurt, kann hann sjálvur sigla inn til Qaqortoq, sum fyrr kallaðist Julianehåb og er størsti býurin í Suðurgrønlandi. 

 

- Fyritreytin fyri at klára at búgva einsamallur er, at tú ert ein sterkur persónur. Og tað eri eg. Eingin ivi um tað. Og eg keði meg ikki eina løtu, sigur Mikkjal L. Sørensen. 

 

Sendingin varð fyrstu ferð í útvarpinum hin 25. december 2021. Síðani sendingin varð gjørd, eru sethúsini hjá Mikkjali úti í oynni brunnin í grund, og tí livir hann nú í einari eldraíbúð inni í býnum.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Astrid Joensen, sum fyllir 101 ár í dag, hevur altíð búð á Eiði
27-05-2024
Ein gonguruta úr Skálavík niðan í Skálhøvda er nú stungin út. Hetta er ein lættur túrur og uppi í Skálhøvda er sera gott útsýni. Røktingarmaðurin Tróndur av Trøð greiðir frá
13-05-2024
Tær eru tríggjar systrar úr Húsavík, sum eru føddar sama dag ymisk ár, summarmáladag. Og húsfrúgvin, sum var óvanliga rík og livdi um ár 1400, hevur eisini gjørt bygdina kenda
06-05-2024
Húsavík er millum elstu bygdir í landinum. Her eru nógvar søgur og sagnir og her eru fleiri gomul hús varðveitt enn nógva aðra staðni í landinum
29-04-2024
Í dag er túrurin í býlinginum á Sevmýri, har nógvar søguligar uppgerðir hava verið í fótbólti, men her henda stórar broytingar júst nú. Og vit hitta fleiri fólk, ið búgva her
15-04-2024
Høvuðspersónurin á túrinum í dag er 91 ára gamli gjáarmaðurin Petur Jacob Sigvardsen, sum hevur givið fleiri og 20 bøkur út eftir at hann bleiv pensiónistur
25-03-2024
Tey hava sungið nærum kring alt landið, og tað er hugtakandi at hoyra og síggja kórið Sangfuglar við minnisveikum fólkum framføra kórsang. Kórið hevur verið til í seks ár
18-03-2024
Í ár varð serliga nógv gjørt burtur úr í sambandi við kvinnudagin 8. mars. Tiltøk vóru alla vikuna og vit hoyra um nøkur á hesum túrinum.
11-03-2024
Fyrstu sethúsini í býlinginum á Breiðabliki í Havn vórðu reist fyri góðum 20 árum síðani. Og í dag vita tey, sum har búgva, at siga frá nógvum søgum
04-03-2024
Fyri 18. ferð hava torradagar verið í Klaksvík. Eitt tiltak, sum samlar nógv fólk í sambandi við fiskivinnu og mentan. Á hesum túri vitja vit fleiri av tiltøkunum
26-02-2024
Gamla Hospital í Havn, sum varð tikið í brúk í 1829, kemur nú til heiður og æru aftur. Í 43 ár hava Vanja Petersen og onnur arbeitt við at fáa tað til eitt savn ov fortíðina
19-02-2024
Næstseinasta vikuskifti var ein hópur av tannáringum á Mini Teen Street á Kambsdali. Í sendingini hitta vit fleiri, sum eisini plaga at vera á altjóða leguni í Týsklandi
12-02-2024