- Tíðindi, mentan og ítróttur
Vísindavøka - Fyrilestrar
Elisabeth Skarðhamar Olsen er samfelagsfrøðingur og ph.d. lesandi í humangeografi við Lancaster University í Bretlandi og gestagranskari á Søgu og samfelagsdeildini á Fróðskaparsetrinum.
Elisabeth Skarðhamar Olsen granskar serliga í at basa sosialum ójavna og órættvísi umframt at loysa samfelagsligar avbjóðingar, ið knýta seg at altjóða umhvørvis- og veðurlagskreppuni. Í ph.d. verkætlan síni granskar hon í matpolitiskum hugsjónum, umhvørvisrættvísi og burðardyggum búskaparrelatiónum í Føroyum og í vesturafrikanska smáoyggjasamfelagnum São Tomé og Príncipe.
Í framløguni hugleiðir hon um, hvussu vit kunnu tryggja øllum íbúgvum í Føroyum fisk til matna.
Vísindavøka - Fyrilestrar
Á hvørjum ári skipa Granskingarráðið og granskingarstovnarnir í Føroyum fyri Vísindavøku. Endamálið er at økja um áhugan fyri gransking og fyri granskingarúrslitum í samfelagnum.
Tiltakið er er sprottið úr átakinum European Researchers’ Night, sum hvørt ár verður fyriskipað seinasta fríggjakvøld í september og í døgunum frammanundan. Tiltakið verður hildið í býum kring alt Europa.
Við Vísindavøkuni ynskja Granskingarráðið og stovnarnir at skapa øktan kunnleika til og áhuga fyri tí, sum fer fram innan føroyska granskingarheimin.
