Í hesum partinum av Vetrarbiit varpa vit ljós á alkoholismu og bróta tøgnina saman við okkara gestum.

Vit práta við “Títt Rúm”, sum er eitt tilboð til børn og ung í aldrinum 0-35 ár og til familjur, sum hava tað trupult orsakað av rúsdrekka/rúsevnum.

Okkara rapportari prátaði við Beintu Atladóttir, sum er sálarfrøðingur har.

Justinus Eidesgaard, ið er alkoholikari, greiddi frá um hansara lív sum alkoholikari. Hann hevur verið edrúur síðani sonur hansara kom í verðina, og sigur, at tað er hann, sum er orsøkin til, at hann steðgaði við at drekka.

Tey avvarðandi verða eisini ávirkaði av rúsdrekkatrupulleikum. Ein, sum er uppvoksin við alkoholismu er Súsanna Gunna Thomsen, sum vitjaði okkum hesa ferð.

Elin Maria Hansen, Eyðfinn Bogason Lamhauge og Rannvør Fríða Eyðunsdóttir gjørdu sendingina.