Nýggjársgudstænastan í ár er úr Gøtu kirkju. Ovi Brim, prestur, prædikar.
Deknur er Sonny Dalheim og klokkari er Magnus Heinason

Gøtu kirkju ungdómskór, undir leiðslu av Símuni Hammer, syngur tveir sangir, “Ver vælkomið Harrans ár” og “Even When He is Silent” hjá Kim André Arnesen.

Um hetta kórverkið kann sigast, at tá ið farið var undir at rudda eina av týningarlegunum, aftaná seinna heimsbardaga, funnu tey í einum fangahúsi, hesi orð skrivaði á einum veggi:

"I believe in the Sun, even when it’s not shining / Eg trúgvi á sólina – sjálvt tá ið hon ikki skínur

I believe in Love, even when I feel it not / Eg trúgvi á kærleikan – hóast eg ikki føli hann.

I believe in God, even when He is silent / Eg trúgvi á Guð – hóast hann er tigandi."

Eftir prædikuna syngur Elinborg Pálsdóttir “Hjá góðum máttum eru vit í sorgum”, eftir Dietrich Bonhoeffer.