Við Kollafjarðartunlinum, sum verður tikin í nýtslu í 1992, gerst farvegurin til Havnar bæði styttri, høgligari og tryggari, nú tað verður óneyðugt at fara á Oyggjarvegin. Vit tosa við Finnleif Durhuus, sum útgreinar søguna um Kollafjarðartunnilin, eins og vit eisini hoyra forkunnug brot úr søgusavni kringvarpsins.
Í 1996 selur landsstýrið Teistan, ið er systurskipið hjá Smyrli, til Italia. Og ein kvinna, sum sigldi við Teistanum, og í serliga stóran mun við Smyrli, er Guðny Jacobsen, sum sigur okkum frá teimum fyrstu 10 árunum við Smyrli í bæði innanoyggja- og millumlandasigling.
Tað var tjúkt í kavaroki, tá ið tyrlan Vípan, stutt eftir midnátt hin 16. desember 1992, datt niður á Borðoyavík - ein vanlukka, sum kravdi fimm mannalív.
Vit tosa við flogskipararn, Hans Meinhard á Høgabóli, sum umsetti upptøkurnar í svarta kassanum fyri skaðanevndini, og Mourits Joensen, sum var tekniskur leiðari á tyrludeildini, tá ið syndarliga vanlukkan hendi. Eisini hoyra vit søguligar upptøkur úr kringvarpssavninum.
Tú kanst hoyra sendingina her!