Í 1970-árunum økist talið av akførum í Føroyum munandi, og hetta hevur við sær ein øktan tørv, tá ið talan er um bilflutning millum oyggjarnar. Og hesin tørvur verður gingin á møti við fleiri av teimum nýggju strandfaraskipunum, ið verða bygd ella keypt til Føroya.
Um Skopunarfjørð hevði higartil ikki borið til at flutt bilar: Ritan, sum varð ásigld av Ternuni í 1968, var ikki gjørd til bilar, og Másin, sum loysti av, var bygdur til farm og ferðafólk.
Men á heysti 1971 er nýtt ferðamannaskip bygt til Sandoyarfarleiðina. Ritan, ið kortini ikki er ein bilferja, tekur nakrar bilar, sum kunnu standa í lastini og á lastalúkuni. Í sendingini hitta vit Øssur Nielsen, ið var maskinmeisati við Rituni tey fyrstu fýra árini, og Tummas Frank Joensen, sum sigldi um Skopunarfjørð eitt skifti.
Økta bilferðslan í sjeytiárunum hevur eisini við sær fleiri og fleiri ferðsluvanlukkur, ið krevja mannalív, samstundis sum talið av teimum, ið fáa varandi mein í ferðsluni, økist.
Og hetta hevur við sær, at Tryggingarsamband Føroyar tekur stig til Ráðið fyri Ferðslutrygd, ið verður stovnað við ársbyrjan í 1976. Vit hoyra brot úr samrøðu, sum Jógvan Arge hevði við Bjartur Dalsgaard í 1976, og vit tosa við núverandi stjóran, Lovisu Petersen Glerfoss.
Tú kanst hoyra sendingina her!