Undanval í USA

07-10-2020

1. partur í podvarprøðini um amerikanskan politikk

Fyri at gerast forsetavalevni í USA, skulu tey, sum vilja vera forseti, fyrst vinna sær undirtøku millum veljararnar hjá teimum stóru politisku flokkunum í USA.

Men hvussu koma flokkarnir fram til teirra valevni, og fáa flokkarnir tað besta valevni við tí leistinum?

Tað eru millum evnini, sum vit tosa um í fyrsta partinum í podvarprøðini um amerikanskan politikk.

Forsetaval og amerikanskur politikkur

Hvussu verður amerikanski forsetin valdur, hvat vald hevur hann, og er hvussu við Umboðsmannatinginum, Senatinum og amerikanska Hægstarætti? Í hesi podvarpsrøðini varpa vit ljós á hesar og aðrar spurningar um amerikonsku politisku skipanina í samband við forsetavalið, sum verður í USA 3. november.