Café Salt

'Café Salt' 22. mars: Gott prát og bæði livandi tónleikur og skemt
24-03-2023
Heimkomin vágskvinna sigur frá lívi sínum úti í stóru verð, tvøramaður greiðir frá býlinginum, Valinum, barnadansur í Sumba er eitt evni, húsorkestur spælir og barnakór syngur

'Café Salt' er mánaðarlig undirhalds- og mentanarsending, sum Kringvarp Føroya og Mentanarhúsinum Salt á Tvøroyri skipa fyri.


Talan er um beinleiðis sending. Mikukvøldið 22. mars '23 var fjórða sendingin av hesum slag send og gestirnir vóru: Annie O. Eysturoy, Jákup Jensen, Sunnva Kjærbo, Martin Kjærbo Vinther, Simona úr Hørg, og Britt Jónsdóttir. Eisini varð tosað við Ingun Háberg og Dagfinn Olsen um kórið 'Blandað Drops' í Vágs skúla, eins og Dagfinn greiddi frá løgunum hjá húskorkestrinum, sum hann, Hjalmar Magnussen, og Arni Holm Carlsen mannaðu. Sjónleikaranir, Mariann Johansen og Rói Einarson spældu ein sketsj við støði í framtíðarløtuni, tá nýggja mjølverksmiðjan hjá Varðanum Pelagic verður tikin í nýtslu, og eisini lat Gundur Johansen okkum ein innspældan og stuttligan sang, ið umrøður ein túr til Havnar við Smyrli.


Annie O. Eysturoy fór sum ung til Danmarkar á studentaskúla, las enskar og spanskar bókmentir í Salzburg, undirvísti seinni upprunafólkum í amerikanska statinum, New Mexico, og í nítiárunum undirvísti hon eisini føroyingum á Føroya Studentaskúla og HF Skeiði í Hoydølum. Annie O. Eysturoy greiðir okkum frá einum parti av hesi áhugaverdu lívsferð og virksemi.


Jákup Jensen er lærari, sum í dag savnar tilfar av ymsum slag um gamlar tíðir, eins og hann er søguligur ferðaleiðari. Hann vaks upp í Valinum á Tvøroyri, ið var fyrsti býlingurin í Føroyum, sum varð útstykkjaður til bústaðarbygging. Jákup Jensen greiðir okkum frá hesum serliga býlingi, her fólk nógvastaðni frá búsettust í slupptíðini.


Sunnva Kjærbo leggur børnum í Sumba lag á í føroysum dansi, spølum, og kvøðing. Støðan er góð, tí nógv børn vilja føra henda sið fram í tíð og møta dúgliga upp til venjing. Sunnva Kjærbo var sjálv ikki kvøðari, tá hon var barn og ungdómur, men áhugin spratt í Danmark. Fyri teir ungu dansararnar í Sumba komu Martin Kjærbo Vinther, Simona úr Hørg, og Britt Jónsdóttir á gátt í SALT saman við Sunnvu at greiða okkum frá støðuni hjá barnadansinum í Sumba. Og eisini annað verður tikið upp í prátinum við sumbingarnar.

Café Salt 22. mars 2023
 

Café Salt

Café Salt er eitt slag av kvøldsetu við bæði álvarsomum og skemtiligum innihaldi. Vertir eru Ólavur Rasmussen og Jákup Magnussen.
Café Salt: Eftir drúgva lívsferð í Europa og Amerika er Annie komin heim
Annie O. Eysturoy í Vági las bókmentir á fleiri málum í Salzburg, helt fram í USA, har hon m.a. undirvísti indianarum í egnum bókmentum. Men føroyska málið var eisini við.
25-03-2023
Café Salt: Vetrartíðina kvøða sumbiarbørn og sparka fótbólt uttandura
Í summar fara ungir dansarar í Sumba til Svøríkis at dansa og kvøða. Til hetta krevst venjing og í sendingini hoyra vit trý børn við leiðara greiða frá felagslívinum í Sumba.
24-03-2023
Café Salt: 'Blandað Drops' í Vágs skúla syngja tveir sangir
Hetta er skúlakórið, sum hevur givið fløgu út. Fyrr var tað Dagfinn Olsen, sum hevði leiðlsuna, meðani Ingun Háberg hevur hana í dag. Dagfinn Olsen spælir undir á gittara.
24-03-2023
Café Salt: Tónleikalig frumframførsla hjá Hjalmari, Dagfinn, og Arna
Húsorkestrið mannaðu: Hjalmar Magnussen, sangur og gittar, Dagfinn Olsen, bassur, og Arni Holm Carlsen, klaver. Teir spældu fýra sangir, sum kunnu hoyrast her.
24-03-2023
Nýtt Café Salt lag: 'Smirol' hjá 'Gundurs Studioorkestur í Trongisvági'
Ein sangur um normallívið umborð á Smyrli. Niðurlagið lýsir oftast setta spurningin, tá tveir suðuroyingar hittast umborð á Smyrli á veg norðureftir til Havnar.
24-03-2023
'Café Salt' 22. mars: Gott prát og bæði livandi tónleikur og skemt
Heimkomin vágskvinna sigur frá lívi sínum úti í stóru verð, tvøramaður greiðir frá býlinginum, Valinum, barnadansur í Sumba er eitt evni, húsorkestur spælir og barnakór syngur
24-03-2023
Bygdaráðslimir í Sumba og Hvalba skifta orð um kommunusamanlegging
Halltóra Joensen og Gunnhild Mortensen eru báðar hvalbingar, men Halltóra býr í Sumba og umboðar Sumbiar Bygdaráð í hesum práti um at leggja Suðuroynna í eina kommunu.
13-03-2023
Froðbiar Sóknar Blues Orkestur LIVE í Salt
FSBO spældi fimm bluessangir í útvarpssendingini 'Café Salt', ið send varð frá Mentanarhúsinum Salt á Tvøroyri tann 1. mars 2023.
13-03-2023
Sonne Smith kom í Salt at hoyra bluestónleik og greiða frá lívinum
'Café Salt' 1. mars 2023: Sonne greiðir frá barnaárum, sjólívinum, fátækum korum undir lesnaði í Danmark, tíðini í Radiohandlinum, Útvarpi Føroya, og øðrum.
13-03-2023
Kirkjukórið Ljómur syngur 'Várlongsul' og 'Jarðareyga'
Nógv var á skránni, tá útvarpið sendi Café Salt sending mikukvøldið 1. mars. Har var bæði prát, rokktónleikur, skemt, og eisini kórsangur, sum Kirkjukórið Ljómur bar fram.
13-03-2023
Café Salt sketsj: 'Tvølban og konan'
1. mars varð sent frá kaffistovuni í Mentanarhúsinum Salt á Tvøroyri. Eitt av innsløgunum var ein sketsj um sandvíkingar, ið práta saman við stórum misskiljingum.
13-03-2023
Til gaman og álvara í Café Salt á Drelnesi
Mikukvøldið hittust fólk í Mentanarhúsinum Salt til beinleiðis útvarp. Har var nógvur látur og blues-rokkur, men eisini vóru álvarsmál sum kommunusamanlegging tikin við.
02-03-2023