Í sendingini "Skrivað stendur" lesa vit prædikutekstin til sunnudagin og siga frá hugtøkum og øðrum, sum eru tongd at honum.

Johnny í Grótinum og Annika Olsen

Gestir í sendingini eru Annika Olsen, løgtingskvinna og Johnny í Grótinum, námlektari á Setrinum. 

Teksturin til sunnudagin, jólaaftan, er út evangeliinum eftir Lukas, kap. 2,1-14

Jesu føðing

v1: Men tað hendi í teimum døgum, at tað komu boð frá Augustusi keisara um, at allur heimurin skuldi verða skrivaður í manntal. 
v2: (Hetta fyrsta manntalið var, meðan Kvirinius var landshøvdingi í Sýriulandi). 
v3: Og øll fóru at verða skrivað, hvør í ættarbygd sína. 
v4: Men eisini Jósef fór úr Galileu, úr bygdini Nasaret, niðan til Júdeu, til Dávids bygd, sum eitur Betlehem, tí at hann var slektaður av Dávids húsi og ætt, 
v5: at verða skrivaður, saman við Mariu, trúlovaðu festarmoy síni, sum var við barn. 
v6: Men tað hendi, meðan tey vóru har, at tíðin kom, at hon skuldi eiga barn. 
v7: Og hon átti son sín, hin fyrstafødda, og hon reivaði hann og legði hann í eina krubbu, tí at ikki var rúm fyri teimum í tilhaldshúsinum.
v8: Og tað vóru hirðar har í sama bygdarlaginum, sum lógu úti á markini um náttina og goymdu at seyðafylgjum sínum. 
v9: Og sí, eingil Harrans stóð hjá teimum, og dýrd Harrans ljómaði rundan um teir, og teir vórðu ógvuliga óttafullir. 
v10: Og eingilin segði við teir: «Óttist ikki; tí sí, eg kunngeri tykkum eini stór gleðiboð, sum skulu verða fyri alt fólkið. 
v11: Tí at tykkum er í dag ein frelsari føddur, sum er Harrin Kristus í Dávids staði! 
v12: Og hetta skulu tit hava til merkis: Tit skulu finna eitt barn reivað og liggjandi í eini krubbu.» 
v13: Og í somu stund var hjá einglinum ein fjøld av himmalskum herskarum, sum lovaðu Guði og søgdu: 
v14: «Heiður veri Guði í hægsta himli, og friður á jørð, og í menniskjum góður tokki!» 

Armgarð Arge og Kári Sólstein leggja sendingina til rættis. 
Hevur tú viðmerking til sendingina, ber til at skriva til teldupostbústaðin: Skriva@kvf.fo