ÍSF raðfestir felagsskapin

Ítróttarsambandið fer nú at raðfesta felagsskapin.

ÍSF hevur sett Katrina Dam á Neystabø í fast starv sum ítróttaráðgeva við høvuðsábyrgd fyri breiddarítrótti, sigur Elin H. Joensen, forseti í ÍSF.

Katrin Dam á Neystabø hevur seinastu tvey árini verið í verkætlanarstarvi hjá ÍSF, har hon hevur arbeitt við júst breiddarítrótti.

Í 2022 til 26 strategiini hjá ÍSF, sum eitur "Í felag fram ímóti felags málum," stendur um felagsskapin, at hann er grundarlagið undir øllum skipaðum ítrótti. 

Felagsskapurin er størsta styrki okkara og fortreytin fyri góðum úrslitum, sigur ÍSF. 

Ein verkætlan er skúlaleikir og rørsluátakið PULS á Glasi.

Eydnast PULS á Glasi sum ætlað, fer hinum miðnámsskúlunum at standa í boði at vera við næsta skúlaár. 

Ætlanin er eisini skjótt at seta fokus á rørsluátøk í dagstovnunum.