Oda W. Andreasen vaks upp og býr í Havn. Men eina drúgva tíð búleikaðist hon í Mykinesi, har hon skipaði fyri upplivingum og bjóðaði ferðafólki vist. Ymisk viðurskifti gjørdu, at hon flutti aftur til Havnar, tó hon framvegis skipar fyri útferðum vestur í oynna, sum hevur stóran atdrátt á hana. Umframt uppvøkstri, arbeiði, høvuðsstaðnum, starvsplássum, og persónligum viðurskiftum, greiðir hon frá árunum í Danmark, har hon bleiv mamma.

Mánadagar í summarskránni hjá útvarpinum koyra vit Biltúrar saman við fólkum, sum hava tilknýti til umhvørvið har koyrt verður. Vitjað verður í fleiri oyggum og henda fimta útvarpssendingin av hesum slag varð tikin upp í Havn.