Nú skal flokkurin byggjast upp aftur

Sjálvstýri hevur nú fingið tær neyðugu 800 undirskriftirnar, so flokkurin kann stilla upp aftur til løgtingsvalið næstu ferð. 

Sámal Petur í Grund, formaður í Sjálvstýri, sigur, at flokkurin hevur fingið eitt andarhol, nú hann ikki fekk umboð á Løgtingi til seinasta val. Hann sigur, at tíðin fram til næsta val skal brúkast til at byggja flokkin upp aftur.

Hoyr innslag í útvarpstíðindunum:

Sjálvstýrisflokkurin var fyrstu ferð valdur inn á ting í 1906, tá vit av fyrstan tíð fingu floksbýti á tingi.

Síðan tá hevur hann vunnið umboðan til tingið øll árini uttan á valunum í 1943 og 1945, og so aftur nú á valinum í desember í fjør.