Uttanríkisráðharrin var ikki valdur

Eftir at atkvøðurnar á Sælandi eru taldar, er greitt, at Jeppe Kofod, sum hevur verið danskur uttanríkisráðharri seinastu árini, ikki er valdur á fólkating.

Tað skrivar danska kringvarpið.

Á Sælandi fekk danski javnaðarflokkurin sjey umboð á fólkating, men Jeppe Kofod er ikki millum teirra.

Jeppe Kofod stillaði ikki upp til fólkatingsvalið í 2019, men Mette Frederiksen, forsætisráðharri, tilnevndi hann uttanríkismálaráðharra, tá hon skipaði stjórn í 2019.

Jeppe Kofod sat tá í ES-tinginum.