Felagsskapurin Kyn sigur, at fleiri og fleiri ung fáa kynssjúkur í dag. Tilburðir av klamydia og gonoré eru vaksandi í Føroyum, og tí hava fyribyrging og kynssjúkur verið høvuðsevni hjá Kyn í ár, tá ið tey hava undirvíst í miðnámsskúlum.

Í hesum partinum av Vetrarbiit tosa vit um tað. 

Vit hava flest øll fingið seksualundirvísing á onkran hátt á ymsum stigi - men hví brúka vit fyribyrging? Og er seksualundirvísingin nøktandi, sum ung fáa í dag?

Tveir undirvísarar úr Kyn, Laila Neshamar og Helena Heðinsdóttir Jørgensen, vitjaðu útvarpsstovuna. Tær høvdu seksualundirvísing fyri okkum og tosaðu um sex mýtur. 

Marin í Dali, lækni og hevur stovnað Kyn, tosaði um tær kynssjúkurnar, sum gera um seg í Føroyum.

Sum nevnt, er tað ymiskt, hvussu vit hava upplivað seksualundirvísing. Tí vóru tvey ung, Pól Johannus Toftegaard Larsen og Elin Sólvør á Løgmansbø við, og prátaðu um teirra upplivilsir og hvussu tey halda, at hon kann betrast.

Rannvør Fríða Eyðunsdóttir og Eyðfinn Bogason Lamhauge hava lagt sendingina til rættis.