Kunnu rokna við fólkatingsvali

02.07.2022 - 17:03
AktueltPolitikkur
Kunnu rokna við fólkatingsvali
Líkt er til, at fólk so smátt kunnu fara at brynja seg til fólkatingsval, nú ábendingar eru um, at stjórnargrundarlagið undir donsku stjórnini er farið ridla.

Hóast danski forsætisráðharrin, Mette Frederiksen, á tíðindafundi í gjár hvørki helt seg, ella ráðharrar og embætisfólk síni hava gjørt nakað skeivt í nógv umrødda minkamálinum, er ikki vist, at enn er sloppið hjá henni.

Fyrrapartin umrøddi høvuðsstýrið í Radikali Vinstra, sum er ein av stuðulsflokkunum hjá stjórnini, málið í hálvanannan tíma, og niðurstøðan var, at flokkurin krevur nýval.

Radikali Vinstra er av teirri áskoðan, at ein óheft kanning ikki fer at føra til eitt ríkisrættarmál ímóti Mette Frederiksen, men kortini vil flokkurin hava “luftina reinsaða”, sum tikið verður til.

Og har er einasti møguleikin eitt fólkatingsval beint eftir summarfrítíðina og í seinasta lagi, áðrenn Fólkatingið verður sett týsdagin 4. oktober, siga tey.

Longu frammanundan hevur Radikali Vinstra kravt, at Mette Frederiksen skrivar út val beint eftir summarfrítíðina, og annars er flokkurin sinnaður at seta fram uppskot um misálit á forsætisráðharran.

Andstøðan á gosi
Hóast stjórnargrundarlagið undir danska forsætisráðharranum, Mette Frederiksen, er farið at ridla, nú ein av stuðulsflokkunum, Radikala Vinstra, krevur nýval, er andstøðan í danska fólkatinginum als ikki nøgd við støðuna.

- Radikali Vinstra heldur bara fast um rættarstatin, tá ið tað snýr seg um politisk mótstøðufólk og embætisfólk, men ikki, tá ið tað snýr seg um teirra “reyðu vinir” og Mette Frederiksen, forsætisráðharra, tí tá krevst hvørki løgfrøðilig avkláring ella ábyrgd.

Tað sigur Jakob Ellemann-Jensen, formaður í Vinstra.

Og formaðurin í Danska Fólkaflokkinum, Morten Messerschmidt, heldur tað líkjast einum rossahandli, ið Radikali Vinstra hevur gjørt við stjórnina, nú tað “luktar av ráðharrasessum eftir næsta fólkatingsval”.

“Okkara maður á fólkatingi”, Kaj Joensen, helt ikki talan vera um eitt serliga sterkt útspæl frá Radikala Vinstra, tá ið vit tosaðu við hann til tíðindini á miðdegi.

 
Er kopiera

Tak niður

Nýggjastu sendingar í ÚV
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Fríggjadag 5. august
Morgunlesturin fríggjadagur 5. august 2022
142557
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750