Bussur skal forða fyri ferðsluruðuleika í Tjørnuvík

01.07.2022 - 16:08
Aktuelt
Bussur skal forða fyri ferðsluruðuleika í Tjørnuvík
Frá mikudegnum í komandi viku fer shuttelbussur at koyra millum Haldórsvík og Tjørnuvík. Ferðsluljós skulu eisini fyribyrgja ferðsluruðuleika í Tjørnuvík 
Nú verða avmarkingar gjørdar á tjørnuvíkarvegnum.

Jógvan Kruse, borgarstjóri í Sunda kommunu, fegnast, nú ein royndarskipan verður gjørd, har bussur fer at koyra millum Haldórsvík og Tjørnuvík við ferðafólki.

Busurin koyrir tríggjar ferðir um tíman.

Talan er um eina royndarskipan, ið verður sett í verk 6. juli og verður virkin summarið 2022. Átøkini verða síðani eftirmett, og tá verður avgerð tikin um, hvussu ferðafólkaferðslan eigur at skipast framyvir.

Átøkini sum verða sett í verk í komandi viku eru hesi:

  • Landsverk setur ferðsluljós upp í Líðini oman móti Tjørnuvík, so ferðslan glíður betri og tað slepst undan mótkoyrandi ferðslu á hesum smala strekki.
  • Bygdin verður stongd fyri óviðkomandi ferðslu, og øll vitjandi skulu parkera uttanfyri bygdina, antin á parkeringplássinum beint við bygdina, ella á parkeringsøkinum norðanfyri Haldórsvík.
  • Sensorar eru lagdir í parkeringsplássini í Tjørnuvík og kunningarskelti verður sett upp í Haldórsvík, ið vísir, um tøk p-pláss eru í Tjørnuvík.
  • Stórt parkeringpláss er gjørt norðanfyri Haldórsvík og haðani koyrir shuttle bussur til Tjørnuvíkar eftir eini sonevndari park and ride skipan. Shuttlebussurin koyrir hvønn dag, tríggjar ferðir um tíman í tíðarskeiðnum 10 – 17. Í royndartíðarskeiðnum, juli og august 2022, er shuttlebussurin ókeypis at brúka.
  • Bussar hava ikki loyvi at parkera í Tjørnuvík. Ferðafólkabussar kunnu tó koyra til Tjørnuvíkar, seta fólk av, og síðan koyra til parkeringsøkið norðanfyri Haldórsvík at bíða til fólkini skulu heintast aftur. Teir hava eisini møguleika at parkera í Haldórsvík og umskipa fólkini í shuttlebussin.
  • Tað er bannað húsvognum at koyra til Tjørnuvíkar. Húsvognar skulu tí parkera á parkeringplássinum norðanfyri Haldórsvík og fara víðari við shuttlebussinum.

Tey, ið búgva í Tjørnuvík og teirra nærmastu, sleppa tó inn í bygdina við bili.

Borgarstjórin væntar, at nýggja skipanin fer at bøta munandi um ferðslutrupulleikan.

Skipanin, sum nú verður roynd í Tjørnuvík, kann møguleiga eisini nýtast í øðrum bygdum.

 

 
Er kopiera

Tak niður

Nýggjastu sendingar í ÚV
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Fríggjadag 5. august
Morgunlesturin fríggjadagur 5. august 2022
142557
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750