Veðrið órógvaði nakað

25.07.2021 - 14:51
ÍtrótturKappróður
Veðrið órógvaði nakað
Heili sjey sekund var Sverri Sandberg Nielsen framman fyri nummar tvey í fjórðingsfinaluni
Mynd: Rógvi Langgaard  
Sverri rør seg til sannførandi sigur

Sverri Sandberg Nielsen róði seg í nátt sera sannførandi víðari til OL-hálvfinaluna, sum verður rógvin hósmorgunin klokkan trý okkara tíð.

Veðrið á rógvi-stadium í Tokyo órógvar rógvararnar nakað, heldur Sverri sjálvur.

Vónirnar til at Sverri Sandberg Nielsen fær eitt OL-heiðursmerki við aftur heim úr Japan eru eisini góðar. Krútsterki miðvingurin vann HM-silvur í 2019, EM-gull í 2020 og EM-silvur fyrr í ár.

 

Sverri var tann skjótasti

Hóast Sverri Sandberg Nielsen sjálvur ikki heldur, at tíðirnar hjá sterkastu rógvarunum í innleiðandi riðlunum veruliga kunnu brúkast til at samanbera styrkina hjá rógvarunum, so er vert at geva gætur, at Sverri var skjótasti rógvarin av øllum í nátt.

Tíðin hjá Sverra var 7 minuttir 10 sekund og 52 hundraðpartar.

Kjetil Borch úr Noregi róði sína fjórðingsfinalu upp á 7 minuttir 10 sekund og 97 hundraðpartar. Also var Sverri Sandberg Nielsen 40 hundraðpartar skjótari enn norðmaðurin.

Kjetil Borch fekk annars skarpan ganga av grikkanum Stefanos (Ntuskos) Ntouskos, sum róði teir 2000 metrarnar upp á 7 minuttir 12 sekund og 77 hundraðpartar.

Harvið róði grikkin skjótari enn týski heims- og evropameistarin, Oliver Zeidler, sum róði sína fjórðingsfinalu upp á 7 minuttir 12 sekund og 75 hundraðpartar.

 
Er kopiera

Tak niður

Nýggjastu sendingar í ÚV
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750