- Tíðindi, mentan og ítróttur
Bergtór vann sítt fyrsta FM
Bergtór vann sítt fyrsta FM
Bergtór Thorsteinsson var bestur, tá FM í triatlon var í dýrdarveðrinum í Runavík sunnudagin, men hann fekk harða kapping frá einum veterani
Andrei Antal/SST
Bergtór Thorsteinsson vann FM, Andrass Joensen (t.h.) var nummar tvey og Erik Neshamar (t.v.) var nummar trý
16.06.2026 - 15:50
Bergtór Thorsteinsson úr Troy kom fyrstur á mál, tá FM-kappingin í triatlon var á eystanstevnu, men hann fekk harða kapping frá veteraninum Andrassi Joensen úr Tórshavnar Súkklu- og Triathlonfelag.
Bergtór Thorsteinsson, sum vann føroyameistaraheitið fyri fyrstu ferð, brúkti 2.08.22 tímar upp á teinin, og Andrass Joensen kom á mál umleið hálvan annan minutt seinni. Nummar trý var Erik Javier Neshamar.
Tey 12, sum kappaðust, svumu fyrst 1.500 metrar í Bylgjuni. Síðani varð skift til súkkluna, og teinurin úr Runavík til Rituvíkar skuldi súkklast fýra ferðir - tilsamans 40 kilometrar. At enda skuldu íðkararnir í renniskógvarnar at renna fimm ferðir runt um Innara vatn á Toftavatni; ein 10 kilometra langur teinur.
Íðkararnir lótu sera væl at vakra teinum og frálíka veðrinum síðsta leygardag, og fleiri áskoðarar vóru eisini komnir út í Rituvík og við Toftavatn at stuðla.
Bert tvær kvinnur kappaðust. Sigrid Bjartalíð úr Tórshavnar Súkklu- og Triathlonfelag vann, meðan Noomi Kunoy Heradóttir úr Troy var nummar tvey.
Sigrid Bjartalíð vann føroyameistaraheitið hjá kvinnum, men hon hevði bert Noomi Kunoy Heradóttir (Mynd: Andrei Antal/SST)
Er kopiera
Nýggjastu sendingar í ÚV
Nýggjastu sendingar í SV
