Føroysk jól langt heimanífrá II: "Jólatræið var eitt kustaskaft"

19 ára gamla Alisa Stephansdóttir Myllhamar Møllvig er fødd í Føroyum, men uppvaksin í Keypmannahavn.

Hon hevur sett sær fyri at kanna, hvussu tað er at halda føroysk jól langt heimanífrá. 

Alisa er kendur ungdómssjónleikari í Danmark, og hevur spælt við í eitt nú sjónvarpsrøðunum "Skyldig 2" og "Fyr" og í stuttfilminum "Edge".

Á gátt hjá Anniku

Í fyrra partinum í hesini røðini var Alisa til  jólahald í Føroyahúsinum á Vesturbrúgv í Keypmannahavn. 

SÍ EISINI: Føroysk jól langt heimanífrá: Alisa til jólahald í Føroyahúsinum

Nú er Alisa farin á gátt hjá listakvinnuni Anniku Hoydal, sum býr mitt í Keypmannahavn. 

Føroysk jól langt heimanífrá

Jólatræið var eitt kustaskaft

Annnika Hoydal leggur ikki fingrarnar ímillum, men ásannar ærliga, at hon gongur ikki serliga høgt upp í jólini. 

"Míni jólaminnir eru sera ymisháttað," staðfestir Annika Hoydal, ið er uppvaksin bæði í Føroyum og í Ekvador í Suðuramerika, har familjan búði í nøkur ár. 

Seinni hevur Annika Hoydal eisini búð í Spania og Skotlandi. 

"Í Ekvador hildu fólk, at vit vóru í ørviti. Mamma mín helt fast í, at vit skuldu hava eitt jólatræ, men har vóru eingi jólatrø, en tað var ráð fyri tí. Vit búðu beint við strondina, so vit koyrdu sand í eina spann og settu eitt kustaskaft í. So settu vit stáltráð á kustaskaftið, sum vit brúktu sum greinar, og so kliptu við grannið úr grønum pappíri."