Sakaris Stórá óttaðist meir afturmeldingina frá suðuroyingum enn útheiminum

Jón Hammer, framleiðari, og Sakaris Stóra, leikstjóri, høvdu ilt við ordiliga at skilja, at teir báðir í ár hava skapt árins besta norðurlendska film. 

Í øllum førum sambært Norðurlandaráðnum. 

"Tað er gott, at heiðurin nú er almennur, tí vit hava vitað tað í eina tíð, og tað hevur verið stærvið at bíða eftir, at tað skuldi kunngerast," ásannar Jón Hammer, framleiðari. "

"Hetta hevur sera stóran týdning bæði fyri okkum og føroyskan film sum heild. Tað er ein viðurkenning av føroyskum filmi, og so er tað nokk so serligt at vit vinna fyrstu tilnevningina til filmsvirðislønina, sum vit hava fingið."

Jón Hammer

Jón Hammer, framleiðari, vónar, at tað verður lættari at útbreiða føroyskar filmar í Norðurlondum

Jón Hammer vónari sjálvandi eisini, at filmvirðisløn Norðurlandaráðsins opnar nakrar dyr og kann hjálpa filmi á føroyskum at fáa størru útbreiðslu í biografum og sjónvarpi í øllum Norðurlondum.

"Góðskan á filmunum er á høgum støðið, hóast málið er lítið, so vit vóna, at tann avbjóðingin, sum hevur verið, at fáa útbreitt føroyskar filmar til eina størri áskoðarafjøld, nú kann brótast niður, og vit veruliga kunnu fara at gera um okkum í norðurlendskum og altjóða høpi."

Sakaris Stórá, filmsleikstjóri, ásannaði, at hann ikki reiðiliga hevði fatað, at filmur hansara hevði vunnið filmsvirðisløn Norðurlandaráðsins. 

"Bara at filmurin bleiv tilnevndur var ein stórur heiður í sær sjálvum, og so at vinna kennist óveruligt," ásannar hann. 

Filmsleikstjórin var nú ikki eins bangin fyri afturmeldingunum úr útheiminum, sum hann var fyri afturmeldingini frá suðuroyingum, ið høvdu hjálpt til við framleiðsluni av "Seinasta paradís á jørð", sum er upptikin í Hvalba. 

"Tá sýningin í Salt gekk væl, so var eg prúa róligur," ásannar Sakaris Stóra´.