Ungdómur fingið heiður fyri gransking

Ársins Vitanarfróðu hevur sum endamál at læra børn og ung at hugsa og arbeiða við vísindaligum háttalagi.

Tað er Granskingarráðið sum í fleiri ár hevur skipað fyri átakinum í samstarvi við Nám, sum frameftir fer at standa á odda fyri átakinum.

Øll úr 4-7 flokki kunnu luttaka í 'Vitanarfróðu', og kappast um ein vinning á 3000kr.

Í ár eru tað fimm næmingar úr 7.b í Eysturskúlanum sum hava fingið heiðurin fyri at greiða frá hugleiðingum um teirra dreymar, í sambandi við spurdómin 'Hví droyma fólk?'.

Teir fimm næmingarnir eru Baltasar Gaini, Prince Berja, Brandur Bárðason Johannesen, Pætur Akraberg Andreasen og Róaldur Frederiksen.

Saman við lærarinum Johann J. Petersen, greiða teir frá uppgávuni í innslagi í Degi og viku.