Lyra setti stigamet

Lyra endaði á 5. plássi í World Cup-kappingini í Kanada, aftanfyri tvey finsk og tvey estisk lið.

Tað eydnaðist kvinnuliðnum úr Ljósinum at koma upp á 24.05 stig. Tað er stigamet fyri eitt føroyskt fimleikalið í altjóða kapping.

Í finaluni gekk upp aftur betur. Tá fekk Lyra 24.4 stig.

Rósan og Mira eisini góð úrslit

Kvinnuliðið úr Støkk, Rósan, kappaðist eisini í World Cup II. Tær gera sonevnt short program - ein styttri seria við eitt sindur linari krøvum. Rósan endaði nummar tvey av trimum liðum, ikki langt aftanfyri italsku vinnararnar.

Triðja føroyska kvinnuliðið er Mira úr Havnar Fimleikafelag. Tær vunnu altjóða kappingina Easter Cup, ið var hildin í Danmark. Í finaluni megnaðu tær at fáa sítt besta úrslit higartil við næstan 24 stigum.