Elias, Vilhelm og Hákun fylgjast í týska oddastríðnum

- Tað er stuttligt, at vit tríggir allir eru í toppinum, segði Elias E. á Skipagøtu fyri kortum. Allir tríggir landsliðsfelagarnir vunnu, nú Bundesligan byrjaði aftur

THW Kiel

Kiel fekk eina flúgvandi byrjan í seinnu hálvu av Bundesliguni, tá teir vunnu trygt á Magdeburg

Símun Christian Olsen

10.02.2025 - 17:25

Teir eru landsliðsliðfelagar, sum stríðast fyri somu søk, men í Bundesliguni stríðast teir ímóti hvørjum øðrum í beinharðari kapping um týska meistaraheitið.

Elias Ellefsen á Skipagøtu, Vilhelm Poulsen og Hákun West av Teigum vunnu allir, tá THW Kiel, Füchse Berlin og Hannover-Burgdorf spældu sínar fyrstu dystir í seinnu hálvu.

THW Kiel fekk eina flúgvandi byrjan við sannførandi sigri á meistarunum úr Magdeburg. Føroyski spælskiparin skeyt fýra mál og legði upp til fýra afturat í 31-25 sigrinum. Vilhelm Poulsen skoraði tvær ferðir í 24-23 sigri hjá Hannover-Burgdorf á Leipzig, og Hákun West av Teigum skeyt eisini tvey mál, tá Füchse Berlin knústi botnliðið, Potsdam, 36-19.

Tað merkir, at føroysku landsliðsmenninir allir hava 28 stig á plássunum aftan fyri oddaliðið, Melsungen, sum er fýra stig frammanfyri við 32.

Vit spurdu Vilhelm Poulsen og Elias Ellefsen á Skipagøtu eitt sindur um spennandi toppstríðið, tá landsliðið vandi í Føroyum í januar.