Avboð sendir U21-hondbóltslandsliðið til HM

U21-hondbóltslandsliðið skal alíkavæl til HM-endaspælið, sum verður í Póllandi í summar. Liðið gjørdist annars júst ov stutt at spæla seg til HM-endaspælið í fjør summar, men nú hevur Ný Sæland givið avboð.

Hondbóltssambandið fekk fyrispurning um HM-luttøku í farnu viku, og tað tók ikki langa tíð at koma til ta niðurstøðu, at liðið skuldi við til HM. 

Lutakastið til bólkaspælið hevur longu verið, og Føroyar eru í bólki saman við Íslandi, Norðurmakedonia og Rumenia.

Tað vera ikki nógvar fyrireikingar hjá U21-landsliðnum frá nú og fram til í summar, men tvær vikur frammanundan endaspælinum, verður liðið samlað.

Óli Mittún hevur havt spælt nógv tey seinastu tvey árini - bæði við IK Sävehof, A-landsliðnum og ungdómslandsliðum, og hann skiftir til GOG í summar, men landsliðsvenjarin letur eina hurð standa opna fyri unga hoyvíkinginum.

U21 HM-endaspælið verður í Póllandi í døgunum frá 18. juni – 29. juni, og landsliðsvenjarin, Djóni Gaard Joensen, hevur góðar vónir til endaspælið.