Sjálvlærdur smíðar sín tíggjunda bát

18.09.2023 - 16:21

Ítróttur›Kappróður

Langir bíðilistar gjørdu, at formaðurin í kappróðrarfelagnum, Tindi, og sjálvlærdi bátasmiðurin, John Høgnesen, tók málið í egnar hendur og fór í gongd við at smíða bátar

Símun Christian Olsen

Síðstu tvey árini hevur leirvíkingurin, John Høgnesen, havt úr at gera.

Tá formaðurin í kappróðrarfelagnum, Tindi, fyri tveimum árum síðan spurdi seg fyri um nýggjan bát til felagið úr Eysturkommunu, vóru bíðilistarnir longri, enn hann kundi liva við.

Tí tók hann málið í egnar hendur og fór undir at smíða sjálvur.

Nú smíðar hann sín tíggjunda bát, eitt áttamannafar til Tind.