Fígging manglar til at gera KVF-savnið atkomiligt fyri allar føroyingar

KVF-savnsgullið er bjargað. 

Áleið 30.000 ljóðbond, 10.000 sjónvarpsbondupptøkur og ein hálv millión í pappírsskjølum, sum eru partur av Kringvarpssavninum, eru nú talgildað. 

SavnsGull, Mass Hoydal

Verkætlanin SavnsGull hevur higartil havt til endamáls at bjarga Kringvarpssavninum. 

SavnsGull, Á sýnini

Útvarpið byrjaði í 1957 og sjónvarpið í 1984, og tískil hevur Kringvarpssavnið nógv nútíðarsøguligt tilfar, sum tað er umráðandi at varðveita. 

SavnsGull, Mass Hoydal

Men enn er KVF-savnið ikki atkomiligt hjá øllum føroyingum, greiðir Mass Hoydal, verkætlanarleiðari frá.

SavnsGull, Barnaløtan

Næsti parturin av SavnsGull-verkætlanini snýr seg tískil um at gera Kringvarpssavnið atkomuligt hjá øllum føroyingum.

Her liggja nakrar avbjóðingar fyri framm, serliga upphavsrætturin og fíggingin, greiðir verkætlanarleiðarin frá. 

SavnsGull, Zakaris Hammer

Higartil hava tað verð danskir grunnar, ið hava fíggjað SavnsGull-verkætlanina.

Men teir pengarnir eru brúktir.