Innsavningin hjá Barnabata druknar í valstríðnum

Fyrireikingar til árligu jólakonsertina

Í Vesturkirkjuni varð í dag riggað til, tí hóskvøldið koma sjálvbodnir tónleikarar at framføra til frama fyri innsavningina hjá Barnabata. 

Hesi ferð verður tiltakið hildið mitt í einum valstríði. Hetta merkja tey í Barnabata,  tí tey sleppa minni framat í miðlunum.    

Tað var tó ikki ætlanin, at innsavningin skuldi liggja mitt í valstríðnum, sigur Djóni J. Eidesgaard, aðalskrivari hjá Barnabata. 

Fleiri søkja í ár

Prísvøksturin ger eisini sítt, tí tey fáa fleiri áheitanir nú innsavningin nærkast.   

Jólainnsavningin hjá Barnabata verður í Kringvarpinum hóskvøldið. Í ár ber til at søkja um jólahjálp frá "Í Menniskjum Góður Tokki" frá 1. desember til 8. desember kl 20, og Barnabati skipar fyri árligu jólainnsavningini hóskvøldið 1. desember kl 20 í Kringvarpinum.