Ingi Olsen fer aftur til røturnar

11.04.2022 - 18:19
ÍtrótturHondbóltur
Ingi Olsen fer aftur til røturnar
Gullvenjarin hjá H71, Ingi Olsen, biður nú Hoyvík farvæl, og fer heimaftur til Vestmanna at venja kvinnurnar hjá VÍF, sum aftur manna lið í SMS-deildini næsta ár

Hann sigur farvæl við manér. 

Ingi Olsen, sum saman við Mark Lausen-Marcher, hevur staðið á odda fyri H71-kvinnunum hetta kappingarárið.

Hoyvíkskvinnur hava spælt sjey evropeiskar dystir, taptu í dramatiskari steypafinalu og endaðu við einum braki, tá ið tær tryggjaðu sær fyrsta føroyameistaraheitið.

Royndi vestmenningurin skal nú venja kvinnurnar í VÍF, sum aftur manna lið í bestu deildini.

 - Tær meldaðu frá í fjør, og tá ið tú ert uppvaksin í einum felag og sær, at felagið meldar seg úr kappingini, so havi eg tað ikki serliga gott við tí, sigur Ingi Olsen.

 - Eg havi so vitað, um eg ikki kann fáa liðið uppaftur at standa, tí hondbóltsføroyar eru somikið lítlar, at vit ikki hava ráð til at feløg detta niður ímillum, sigur venjarin, sum fakliga hevur havt eina spennandi tíð í Hoyvík og í so máta kundi hugsað sær at hildið fram.

Teir flestu spælararnir úr Vestmanna, sum farna árið hava umboðað onnur feløg, verða aftur at síggja í gulum og bláum komandi kappingarár, sambært Inga Olsen.

 
Er kopiera

Tak niður

Nýggjastu sendingar í ÚV
Leygardag 2. juli
Morgunlestur leygardagur 2.juli 2022
141508
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Nýggjastu sendingar í SV
Fríggjadag 1. juli
Jól í tónleikinum
141718
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491