TAKS: Samherja milliónirnar endaðar í Íslandi

31.03.2022 - 19:38
AktueltPengar
TAKS: Samherja milliónirnar endaðar í Íslandi
Bróðurparturin av teimum 17 milliónunum, sum Samherji flutti til Taks í fjør, eru farnar til Íslands. Málið varð meldað til løgregluna í mai 2021.

- Felagið Tindhólmur var nýtt til at rinda lønir til fiskimenn í Namibia, sum vóru teir til arbeiðis á fraktskipum hjá Samherja. Hetta var ein ólóglig skipan. Soleiðis segði varskógvarin og fyrrverandi stjórin fyri namibiska virkseminum hjá Samherja, Jóhannes Stefansson, í dokumentari hjá Kringvarpinum í fjør - Teir Ómettiligu. 

 

Stutt eftir hetta rindaði Samherji 17 milliónir krónur til Taks, og Taks gjørdi skjótt av, og meldaði málið til løgregluna. Síðani er einki hent hjá løgregluni. Michael Boolsen, fúti segði upprunaliga, at málið skuldi latast serligu deildini hjá donsku løgregluni, sum fæst við altjóða og fíggjarligan kriminalitet. Síðani er tann deildin niðurløgd, og ein onnur komin í staðin. Men fyri at hendan nýggja deildin skal yvirtaka málið, krevst ein lógarbroyting í Føroyum. Hon er enn ikki komin, men fútin væntar hana í hesari tingsetuni, og tá verður málið um Tindhólm og Samherja loksins kannað av løgregluni. 

Men Taks hevur fingið ein part av pengunum úr hondunum aftur - eftir at stjórin, Eyðun Mørkøre, í fjør ikki reiðiliga visti, hvussu skattavaldið skuldi handfara innkomnu milliónirnar, sum landskassin einki eigur í. 

- Av teimum 16.9 milliónunum, ið vóru goldnar til Taks í mai 2021, eru 13.1 milliónir krónur fluttar eftir umbøn frá íslendska skattavaldinum, fluttar til Íslands tí persónarnir, ið hetta viðvíkur, eru skattskyldigir í Íslandi. Hetta er gjørt sambært sáttmálanum millum tey norðurlendsku londini um hjálp í skattamálum, skrivar Taks til Kringvarpið. 

 

 
Er kopiera

Tak niður

Nýggjastu sendingar í ÚV
Leygardag 2. juli
Morgunlestur leygardagur 2.juli 2022
141508
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Nýggjastu sendingar í SV
Fríggjadag 1. juli
Jól í tónleikinum
141718
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491