Pingel: spældi við skaða og avgjørdi dystin

29.11.2021 - 20:33
ÍtrótturFótbóltur
Pingel: spældi við skaða og avgjørdi dystin
Sebastian Pingel var stóri spælarin hjá B36 ímóti Víkingi, har spældi við skaða og skeyt tvey mál. - hetta merkir nógv, segði Pingel, sum var týðiliga rørdur eftir dystin

Sebastian Pingel varð stóra hetjan hjá B36, sum í kvøld spældi seg í finaluna í kappgingini um Løgmanssteypið. 

Framherjin legði B36 framum 1-0 longu í sjeynda minutti, tá hann stútaði eitt hornaspark í netið, og tá bert átta minuttir vóru eftir at spæla, skoraði hann málið til 3-0, sum tryggjaði B36 plássið í finaluni um eina viku.

Hann varð skiftur út beint fyri leiklok, og eftir dystin avdúkaði hann, at hann var skaddur og hevði ikki vant síðstu fýra vikurnar.

 - Hetta var alt, sum vit droymdu um, serliga tí okkara kappingarár hevur verið so misjavnt, segði Sebastian Pingel eftir dystin.

Danski framherjin hevur spælt í Føroyum seinastu seks árini - trý kappingarár við HB og trý við B36 - men nú er ætlanin at fara aftur til Danmarkar. Tí hevði sigurin serliga stóran týdning fyri stríðsmannin í B36-álopinum. 

 - Hetta merkir nógv fyri meg, og eg verið eitt sindur keddur nú. Eg havi búð her síðstu seks árini, og havi elskað at umboða bæði HB og B36. Føroyar hava havt serliga ávirkan á meg, segði Sebastian Pingel, sum var týðiliga rørdur.

Hann legði afturat, at hann ynskti sær HB í finaluni, men tað ynski fekk hann ikki uppfylt.

 
Er kopiera

Tak niður

Nýggjastu sendingar í ÚV
Mánadag 17. januar
Góðan morgun Føroyar 17.01.2022
134115
Mánadag 17. januar
Morgunlestur mánadagur 17.januar 2022
133929
Sunnudag 16. januar
Credo: Eitt barnaheim í Bangladesh.
134065
Nýggjastu sendingar í SV
Sunnudag 16. januar
3-2
134104
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088
Sunnudag 16. januar
Andakt við Christiani Gabrielsen
134087
Sunnudag 16. januar
Hondbóltur: Italia - Føroyar
134086