- Tíðindi, mentan og ítróttur
Plátubarrin
Talan var um dans í Dansistovuni í Vestmanna tann 1. oktober 1978 og spæld verður eitt av løgunum. Hans Christian Joensen tók upp, men byrjað verður við a-síðuni, sum Sunny hevði givið út árið fyri.
Vit spyrja Hans Black um ymiskt annað viðvíkjandi Hjarnum og Sunny. Til dømis hví teir eitt skifti kallaðu seg Sunny; um útlúgvandi uttanlandsferð; og nær hann sjálvur byrjaði at spæla trummur.
Løg:
Bad Dream
You Should Be Dancin'
Plátubarrin
Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00.
Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt.
Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin.
Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
