- Tíðindi, mentan og ítróttur
Plátubarrin
Forsangarin, Freddie Mercury, var deyður trý ár frammanundan. Sagt verður, at hann skundaði sær at syngja løg inn, tá hann kendi á sær, at kreftirnar vóru um at ganga undan. Millum annað tað tilfari er við á hesari heiðurs-Temaplátu, sum 4. november '25 var tríati ár.
Tíðarritið Q helt hesa fimtandu Queen útgávuna, Made In Heaven, vera betri enn tað fjúrtandu frá februar 1991, Innuendo, ið var ætlað at koma út upp undir jól í 1990, men tá var Freddie Mercury somikið sjúkur, at tað dróg út. Hinvegin helt Q ikki, at hon hevur øll tey serligu Queen eyðkennini við. Hetta ljóðar sum ein andsøgn, men undranin minkar, tá ein sær, at flestu aðrir miðlar vóru positivir. Jerusalem Post helt tað vera forloysandi, at Queen og Mercury kundu blaka so nógvan gleðiskendan larm í andlitið á deyðanum.
Plátubarrin 8. november 2025
Plátubarrin
Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00.
Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt.
Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin.
Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
