GG: Sendingin er ein redigerað útgáva av upprunasendingini, ið varð send beinleiðis 01.09. Orsøkin til, at hon er redigerað, er fylgjandi:

Sendingin viðgjørdi nýsetta tekniska leiðaran í FSF, og vertur og viðmerkjarar meta um hansara persón og persónligu eginleikar. Fjølmiðletisku leiðreglurnar avmarka slíka persónliga viðgerð. Mett varð eftirfylgjandi, at farið var út um mark, og tískil er tann parturin kliptur úr sendingini.

Í sendingini varð ikki tosað við viðgjørda persónin ella leiðsluna fyri felagsskapin, har hann starvast. Sendingin livir sostatt ikki upp til kravið í fjølmiðlaetisku leiðreglunum og okkara journalistisku stevnu, sum áleggur okkum at hoyra allar partar.