Plátuaktuelli Eyði Horsdal er samvertur, har vit spæla allar 16 sangirnar á hansara debutplátu "Songs With Eva", men eisini krydda við tónleiki, ið hevur veitt honum íblástur
29 ára gamli sangarin og sangskrivarin Eyði Horsdal letur fríggjadagin 24. mars úr hondum fyrstu heildarútgávu sína "Songs with Eva".
"Eva Perrin Fontana er yrkjari, tónleikari og er somuleiðis ein góð vinkona hjá mær. Vit hittust, tá vit tóku eina bachelor í sangskriving í Onglandi í 2015-2017. Eva býr í London og fæst við tónleik og annað skapandi virksemi. Hon skrivar um gerandisdagin, ofta við einum longsli eftir eini róligari og meira nærverandi tilveru enn henni, ið stórbýurin krevur av okkum. "Songs with Eva" byrjar tó burtur úr ongum, tá ið Eva - fleiri ár eftir at eg seinast hevði sæð hana - brádliga sendir mær eina lítla yrking, hon hevði gjørt: The Train Station."