Status Quo í meistarastríðnum

Status Quo í meistarastríðnum
NSÍ vann á Skála, og KÍ fekk øll stigini ímóti HB í Gundadali, og tí eru framvegis trý stig ímillum toppliðini, nú trý umfør eru eftir at spæla í Meistaradeildini
Mynd: Hjalmar Jóhan Juul  
 
11.10.2026 - 17:19

Bæði NSÍ og KÍ vunnu sínar dystir í Meistaradeildini í dag, og tí er status quo í stríðnum um FM-gullið. NSÍ er framvegis trý stig frammanfyri KÍ.

Tað passar kortini ikki heilt, tí runavíkingar eru samstundis ein dyst nærri sínum fyrsta føroyameistaraheiti síðan 2007.

NSÍ vitjaði á Skála, har Malthe Nielsen legði heimaliðið framum við einum frálíkum máli, tá 27. minuttir vóru spældir. Beint fyri steðgin svaraði oddaliðið aftur við tveimum málum frá Beiniri Nolsøe og Peturi Knudsen, og dysturin endaði eisini 2-1.

HB, sum bíðar eftir Mikkjali Thomassen, gav ikki KÍ, sum hevur fingið Fróða Benjaminsen á síðulinjuna fyrr enn ætlað, stórvegis mótstøðu í Gundadali. Erlend Hustad legði útiliðið framum longu í sjeynda minutti, og síðstu løtuna av dystinum øktu Martin Rodrigo Gonzales og Dávid Reynheim til 3-0.

Í sama viðfangi fekk HB-málverjin Bjarti Vitalis Mørk reytt kort fyri mótmæli.

NSÍ hevur nú 51 stig, og KÍ hevur 48. Tríggir dystir eru eftir at spæla í Meistaradeildini.

Er kopiera
Nýggjastu sendingar í ÚV
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096