Flóttafólk fáa barnagjald og aðrar sømdir

Flóttafólk úr Ukraina, sum eru einsamallir uppihaldarar, fáa skjótt barnagjald eins og føroyingar.

Uppskot er gjørt um at broyta kunngerðina um serreglur á almannaøkinum fyri burturriknar ukrainar.

Uppskotið ger tað eisini møguligt hjá Almannaverkinum at geva ukrainunum tilboð um ávís arbeiðsfremjandi tiltøk, eitt nú arbeiðsbúgving og virknisvenjing. 

Eisini fáa ukrainsk flóttafólk, sum búgva saman við øðrum enn sínari familju ella samlivara, fyribils uppihaldsveiting sum einsamallir. 

Og uppskot er um, at ukrainsk flóttafólk, sum fáa undirvísing í føroyskum sambært lógini um føroyskt sum annaðmál, hava rætt til fyribils uppihaldsveiting.