80 ár síðani fólkaatkvøðuna

Í dag eru 80 ár síðani fólkaatkvøðuna í 1946, tá føroyingar skuldu taka støðu til framtíðarstøðu Føroya og sambandið við Danmark.

Úrslitið gjørdist søguligt.

48,7 prosent atkvøddu fyri loysing, meðan 47,2 prosent tóku undir við danska stjórnaruppskotinum. Munurin var bara 161 atkvøður.

Men danska stjórnin metti, at fólkaatkvøðan ber var vegleiðandi, og loysingin var ikki framd.

Í staðin fingu vit heimastýrislógina.

Tað kom óvart á nógv, at loysingin vann, sigur Hans Andrias Søvará, søgufrøðingur, sum var í morgunsendingini í morgun. 

Framvegis aktuelt

Spurningurin er framvegis aktuellur. 

Í einari nýggjari spyr.fo-kanning hjá Kringvarpinum varð millum annað spurt, um fólk ynskja loysing millum Føroyar og Danmark - orðað á sama hátt sum í 1946.

41 prosent svaraðu ja.

Spurnakanning um loysing

Men tá spurt varð meira ítøkiliga um framtíðarstøðuna, søgdu 30 prosent, at Føroyar skulu loysa frá Danmark.

13 prosent vildu varðveita verandi ríkisrættarligu støðu óbroytta.

Spurnakanning um loysing

Hoyr innslag í útvarpstíðindunum: 

Í sambandi 80 ára dagin fyri fólkaatkvøðuna, sendir sjónvarpið eina sending, sum var gjørd í 2016.

Í sendingini er søgan um tilgongdina, sum endaði við fólkaatkvøðuni 14. september 1946. 

Tepur meiriluti var fyri loysing.

Men stutt eftir fólkaatkvøðuna upploysti danski kongurin løgtingið og skrivaði út nýval í Føroyum.

Í sendingini eru millum annað Zakarias Wang, Hans Andrias Sølvará, Óli Breckmann, Pól á Kletti og Høgni Mohr.

Suni Merkistein og Jens Jákup Hansen løgdu til rættis.

Sendingin kemur klokkan átta.