- Tíðindi, mentan og ítróttur
Landsstýrismaðurin: Vert at kanna rúmdarvirksemi í Føroyum
Landsstýrismaðurin: Vert at kanna rúmdarvirksemi í Føroyum
Danska lógin um rúmdarvirksemi er ikki sett í gildi í Føroyum, og økið verður mett at vera í málsøkinum flogferðsla, sum ikki er yvirtikið
Einki lógargrundarlag er fyri rúmdarvirksemi í Føroyum.
11.09.2026 - 11:22
Danska lógin um rúmdarvirksemi frá 2016 er ikki er sett í gildi í Føroyum.
Tað er ikki á hvørjum degi, heldur ikki annan hvønn dag, at løgtingið viðger rúmdarvirksemi.
Men Bjarni Kárason Petersen, løgtingsmaður, spurdi Jacob Vestergaard, landsstýrismann, um rúmdarvirksemi í Føroyum.
Landsstýrismaðurin svarar, at einki lógargrundarlag er í Føroyum.
Økið verður mett at vera í málsøkinum flogferðsla, og er tí ikki yvirtikið málsøki.
Jacob Vestergaard sigur, at tað er ein sannroynd, at okkara grannalond hava økt virksemið á hesum økinum seinastu árini.
Tað er tí vert at kanna møguleikarnar fyri rúmdarvirksemi av ymiskum slagi í Føroyum, sigur landsstýrismaðurin.
Er kopiera
Nýggjastu sendingar í ÚV
Nýggjastu sendingar í SV
