Eysturoyartunnilin stongdur - lastbilur uppsteðgaður við rundkoyringina

Partur av Eysturoyartunlinum er stongdur í løtuni, boðar politiið frá.

Tað er Hvítanesmegin, at tunnilin er stongdur. Tí ber í løtuni ikki til at koyra inn í tunnilin í Streymoynni.

Ein lastbilur er steðgaður upp tætt við rundkoyringina í tunlinum, og hann forðar ferðsluni at koyra norðureftir. 

Koyrandi er tó av Strondum og úr Saltnesi.

Nú skal bilurin flytast, men tað fer at taka nakað av tíð,  tí aðrir stórir bilar skulu hjálpa til við at flyta uppsteðgaða bilin.

Hvussu leingi tunnilin verður stongdur, er ógreitt. Politiið kemur við nærri kunnin seinni.