Kalsoyingur: Fólk við tilknýti til oynna eiga at fáa framíhjárætt

Fólk, sum hava tilknýti til Kalsoynna, sleppa ikki at vitja í summarhálvuni, tí Sam er fullsettur av ferðafólkum.

Fólk við tilknýti til oynna áttu at fingið framíhjárætt fram um útlendingar, sigur Paulina Eliasen á Syðradali.

paulina eliasen.jpg

Hon vísar á, at síðani ferðavinnan er vaksin í Kalsoynni, vitja føroyingar við tilknýti til oynna minni og minni í summarhálvuni, og tað gongur út yvir trivnaðin í oynni.

Ein avbjóðing er eisini, at tað ber illa til hjá kalsoyingum at halda nakað um summarið, tað veri seg alt frá barnadópi til jarðarferðir, tí fólk sleppa ikki við Sam, sum er fullsettur av ferðafólkum.

Dánjal Samuelsen, SSL

Dánjal Samuelsen, stjóri á Strandferðsluni, sigur, at kenna tey væl til trupulleikan, og ætlanin er at finna eina loysn, áðrenn nógva ferðingin verður næsta summar.

Hoyr innslag í útvarpstíðindunum: