Ávaring frá løgregluni steðgaði royndini at lokka pening frá fólki

Royndin í gjár at lokka pengar frá fólki steðgaði, tá politiið almannakunngjørdi royndina.

Fyrrapartin í gjár ringdi ein maður til fólk í Føroyum.

Hann segði seg vera politist og tosaði danskt.

Hann segði, at fyri 10.000 krónur skuldi hann steðga einari roynd hjá onkrum, sum royndi at taka eitt lán í navninum hjá tí, hann ringdi til.  

Trý boðaðu frá

Trý fólk ringdu til politiið og boðaðu frá.

Málini vera nú kannað.

Bæði telefonnummar og kontunummar hjá tí, sum ringdi, vóru donsk.

Tað, politiið veit, bleiv eingin lumpaður.