Almenn ella privat bergholsgerð

Enn hevur landsstýrið ikki avgjørt, at bergholið til Tjørnuvíkar skal gerast eftir sama leisti sum bergholið til Dals.

Landsverk og tunnilsliðið hjá tí gjørdu bergholið til Dals.

Hin møguleikin er at bjóða bergholið út til byggifeløg. 

Høgni Hoydal, løgtingsmaður, spurdi Jacob Vestergaard, landsstýrismann, hvussu nógv berghol kosta.

Landsstýrismaðurin sigur, at privatir veitarar fingu 74 prosent og almennir 26 prosent í sambandi við bergholið til Dals.

Privatir veitarar fingu 96 prosent í sambandi við Famjinsbergholið, 94 prosent í sambandi við Hvalbirbergholið og 98 prosent í sambandi við bergholini norður um Fjall.

Hesi berghol gjørdu byggifeløg.

Talið fyri bergholini norður um Fjall eru fyribils, tí landsverk og byggifelagið eru ikki samd um nakrar útreiðslur, upplýsir landsstýrismaðurin.