Bakkafrost savnar kundar og samstarvsfelagar úr øllum heiminum

Umleið 150 kundar og samstarvsfelagar hjá Bakkafrosti úr øllum heiminum eru í Føroyum í hesum døgum, í sambandi við Bakkafrost Summit.

Bakkafrost Summit er eitt tiltak sum verður hildið annaðhvørt ár, og hevur til endamáls at geva gestunum  innlit í Bakkafrost, føroysku alivinnuna og arbeiðið gjøgnum alla virðisketuna – frá smolti til lidna vøru.

Fyrri parturin av skránni í dag var í Løkshøll, har framløgur vóru um støðuna á heimsmarknaðinum, útlitini fyri alivinnuna, og hvørjar raðfestingar verða týðandi komandi árini. Seinnapartin og í morgin vitja gestirnir á ymiskum virkiseindum, millum annað smoltstøðum, alibrúkum, sláturvirki og liðugvøruframleiðslu. Eisini verður høvi hjá gestunum at síggja meira av Føroyum.

Kundar gerast bergtiknir av Føroyum

"Kundar eru sum heild sera bergtiknir av Føroyum. Hava vit fyrst fingið kundarnar at á vitjan í Føroyum, so er 80% av arbeiðinum gjørt, tí Føroyar er so serstakar. Tá vit so knýta tað saman við at selja eina vøru, sum kemur hiðani, so riggar tað sera væl."

Tað sigur Regin Jacobsen, stjóri á Bakkafrosti.

Regin Jacobsen

Regin Jacobsen

Bakkafrost Summit er eitt høvi hjá fyritøkuni at styrkja samstarvið við kundar og samstarvsfelagar, og at vísa teimum, hvat liggur aftan fyri føroyska laksin og Bakkafrost sum felag.

Umboð úr 25 ymiskum londum kring heimin er komin til tiltakið.

screenshot_2026-09-08_152308.png

25 lond eru umboðað á Bakkafrost Summit

Bjartur Sigmundarson var í Løkshøll fyrrapartin og fekk orðið á Regin Jacobsen