Landsstýrismaður vil hava vaktarskip í fíggjarlóg og løguætlan

Vaktarskip verður við, nú uppskot um fíggjarlóg fyri 2027 og langtíðar løguætlan vera gjørd.

Tað sigur Bárður á Steig Nielsen, landsstýrismaður.

Hann hevur svarað Eiriki í Jákupsstovu, løgtingsmanni, sum spurdi um vaktarskipini.

Brimil og Tjaldrið liggja.

Brimil fer eftir ætlan aftur í sigling hálvan oktober.

Nær Tjaldrið loysir aftur, veit eingin.

Lauge Koch, danskt sjóverjuskip

So leingi skipini liggja, verður danskt sjóverjuskip í føroyskum sjógvi.

Í 2025 verður farið undir at útvega nýtt vaktarskip fyri Tjaldrið, stóð í uppskotinum um fíggjarlóg fyri 2024.

Fýra milliónir vóru játtaðar í 2024, men einki í 2025.

Har stendur, at arbeitt verður við at raðfesta at byggja ella útvega skip í staðin fyri Tjaldrið.