Sámal farin at smíða nýggjan Eysturoying

Sámal farin at smíða nýggjan Eysturoying
Bátasmiðurin Sámal Hansen er farin undir at smíða nýtt 10-mannafar til NSÍ-kappróður. Eysturoyingur verður eftir ætlan klárur og mannaður næsta summar
Tað verða helst nakrir av ungu monnunum, sum róðu við Heiðabátinum í summar, sum skulu manna Eysturoying
Mynd: Jan Herman Hansen/RSF  
 
31.08.2026 - 12:57

Bátasmiðurin Sámal Hansen er farin undir at smíða nýggjan Eysturoying til NSÍ-kappróður.

Nýggja 10-mannafarið skal eftir ætlan standa klárur og mannast til næsta kappróðrarár.

 - Hetta verður enn eitt týðandi kapittul í søguni um Eysturoying, nýggi Eysturoyingur verður fimti í felagnum, skrivar NSÍ-kappróður.

SÍ EISINI: Eysturoyingur verður skjótt mannaður aftur

Sámal Hansen smíðaði nýggjan Eysturoying til felagið í 1998 og 2009, og báðir bátarnir vunnu FM. Eysturoyingur hevur vunnið føroyameistaraheitið átta ferðir síðan 1998.

Seinastu ferð Eysturoyingur var við var í 2016, tá tað eydnaðist at vinna seinasta føroyameistaraheitið hjá bátinum higartil. Nú verður so nýggj roynd gjørd.

 - Endamálið hjá einum og hvørjum kappróðrarfelag er at hava eitt 10-mannafar, og tað er tað sanniliga eisini hjá okkum. Nú hava vit eitt 8-mannafar, Heiðabátin, og teir eru spentir og raskir og klára seg hampiliga væl, segði Janus Knudsen, formaður í NSÍ-kappróðri, í summar.

 - So hvør veit, um teir ikki ikki fara at forseta og fara í Eysturoying næst ár. Vónandi, segði formaðurin.

 

 

 

 

 

Er kopiera
Nýggjastu sendingar í ÚV
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096