Meinhard Olsen: Alt peikaði heim aftur til Føroya

Runavíkingar fingu gleðilig tíðindi í síðstu viku, tá tað frættist, at Meinhard Egilsson Olsen - eftir 11 ár í útlegd - hevur vent nøsina heimaftur til Føroya við tí fyri eyga at spæla við barndómsfelagið NSÍ.

Enn hevur 29 ára gamli runavíkingurin ikki fingið leikaraloyvið endaliga upp á pláss.

Hann hevur eisini verið illa darvaður av skaða seinasta árið.

Men hann sat á bonkinum á Malta um vikuskiftið og kundi eygleiða margháttligu støðuna, tá NSÍ í síðstu løtu spældi seg víðari í evropeisku kappingini.

Finnur Koba hitti Meinhard Olsen við Løkin sunnukvøldið, áðrenn hann  fór inn á vøllin at venja við hinum liðfeløgunum.