USA hevur goldið tíggjutals millardir dollarar aftur í tolli

Amerikanska stjórnin hevur longu rindað tíggjutals milliardir dollarar aftur, sum stjórnin tók inn í tolli, áðrenn amerikanski hægstirættur avgjørdi, at tollurin var ólógligur.

Tað sæst í amerikonskum fíggjartølum, sum vóru almannakunngjørd í gjár. 

Tollur hevur verið ein týðandi partur í búskaparætlanunum hjá Donald Trump, forseta, í seinna forsetaskeiðnum, sum byrjaði í fjør. 

Hægstirættur avgjørdi í februar, at ein stórur partur av eykatollinum, sum Trump hevði kravt, var ólógligur. Avgerðin hevur noytt stjórnina at rinda tollin aftur til fyritøkurnar, sum hava goldið hann.

Í tølunum sæst, at USA hevur goldið 81 milliardir dollarar aftur í ólógligum tolli hetta fíggjarárið, sum byrjaði í oktobur 2025. Í fjør rindaði stjórnin fimm milliardir aftur. 

Ein talsmaður fyri amerikanska fíggjarmálaráðið sigur við The Guardian, at nærum øll økingin í afturgjaldingum stavar frá avgerðini hjá hægstarætti.