Eingin sernámsfrøðiligur stuðul til lesandi, ið bera brek

Løgtingslógin um stuttar framhaldsútbúgvingar í yrkisskúlum hevur onga áseting um sernámsfrøðiligan stuðul til lesandi, sum bera brek, - eitt nú til teknmálstulking ella aðrar rímiligar tillagingar, á útbúgvingum, sum eru skipaðar sambært hesi lóg.

- Tað er í stríð við ST-sáttmálan um rættindi hjá einstaklingum, sum bera brek, sigur Eilif Magnusson Arge, Brekumboð.

Sernámsfrøðiligur stuðul er í dag sjálvsagdur partur av lógargrundarlagnum fyri flestu útbúgvingar, men altso ikki allar.

Og tá ið nøkur lesandi framvegis standa uttan lógartryggjaðan rætt til neyðugan stuðul, er útbúgvingarskipanin ikki javnbjóðis.

Millum útbúgvingarnar, ið verða skipaðar eftir lógini um stuttar framhaldsútbúgvingar á yrkisskúlum, eru flestu av útbúgvingunum á Hægri námi á Glasi, eitt nú byggifrøði, marknaðarførslubúskapur og fíggjarbúskapur.

Eilif Magnusson Arge vísir á, at tað eru ikki Glasir ella aðrir skúlar sjálvir, sum skulu tryggja sernámsfrøðiliga stuðulin.

Hoyr innslag í útvarpstíðindunum: